15D குறும்படம் ஒரு பார்வை

“ஒரு நீண்ட கால தவம் , தேடல்கள் , காத்திருப்பு இத்தனையும் அருகில் இருந்து பார்த்திருக்கிறேன் நிறையவே நண்பனாய் ,ரசிகனாய். உன் படைப்பு வெளி வர இத்தனை காலம் காத்திருக்க வேண்டியதாகி விட்டது . உன் உழைப்பு சத்தமே இல்லாமல் சத்தமாய் ஒரு கதை சொல்லி விட்டது 15D இது ஒரு ஈழத்தில் பிறந்த கலைஞனின் படைப்பு . எங்கே சென்றாலும் கனவை நனவாக்க கற்று கொண்டவனின் ஆளுமை”

இது என் நண்பனின் குறும் படம் வந்தவுடன் என் முகப்புத்தகத்தில் எழுதியது இது பற்றி விரிவாக வலைத்தளத்தில் எழுத இத்தனை நாளாகி விட்டது வேலைப் பழு இத்தனை நாளாய் இழுத்தடித்து விட்டது . அது போலத்தான் இவனது படைப்பும் வர இத்தனை வருடமாகிவிட்டது.

மூன்று வருடங்களுக்கு முதலே நாங்கள் வாடகைக்கு Camera வாங்கி படம் எடுக்க ஆரம்பித்தோம் ( இது பற்றிய ஒரு பதிவும் இந்த வலைத்தளத்தில் "எம் கணா ஒரு கணா" என்ற தலைப்பில் உள்ளது ") நான் மட்டும் நடிக்க ஒளிப்பதிவு முதல் இயக்கம் வரை செய்தவர்தான் இந்த MANAZEER MASOON கடைசில் படப்பிடிப்பு எல்லாம் முடிந்து ஒரு கணா தவிர்கமுடியாத காரணங்களால் கனவாகியே போனது.

அதன் பின் அவன் தொழில் விடயகமாகவும் நான் கல்வி விடயமாகவும் வெவ்வேறாக பிரிந்து விட்டோம். நாங்கள் ஒன்றாய் இருந்த காலங்களிலும் இப்போதும் நாங்கள் பேசும் தலைப்புக்களில் பெரும்பான்மையாக இடம் பெறுவது சினிமாவும் இலக்கியமுமே . நல்ல சில சினிமாக்களை எனக்கு அறிமுகப்படுத்தியவன் சில விடயங்களை உன்னிப்பாகவும் வித்தியாசமாகவும் ரசிக்க கூடியவன் அவனின் இயக்கத்தில் வெளி வந்திருக்கும் அவனது முதலாவது குறும் படமே 15D.

இவர்  விரல்கள் , மாட்டு வண்டி போன்ற பதிவு பக்கங்களை நடத்தி வாந்தி பின் நாட்களில் காணாமல் போனது . ஏன் என்றால் வாசிப்பு நாட்டம் இல்லாத எனது நண்பன் ஒருவன் இவர் எழுதிய பயணக் கட்டுரை பற்றி பேசிய போது ஆச்சர்யப் பட்டுத்தான் போனேன். மீண்டும் இவர் பதிவுலகத்துக்கு வர வேண்டும் என்பதும் என் அவா .

தற்போது  DUBAI ல் தொழில் புரியும் அவன் அங்கே உருவாக்கிய நட்பு வட்டத்துடன் இணைந்து படைத்திருக்கிற படைப்பு . வெளிநாட்டில் தொழில் புரிபவர்களுக்கு புரியும் நேரத்தின் அருமை இங்கு நேரம் கிடைப்பதும் குறைவு கிடைத்தாலும் தூக்கத்திலேயே பெரும்பாலும் கழியும் . அப்படி கிடைத்த நேரத்தை சரியாய் சேமித்து வந்ததுதான் இந்த படைப்பு. 

Ambal Studio Productio தயாரிப்பில் வெளி வந்திருக்கும் இந்த படம் சத்தமே இல்லாமல் சத்தம் போடுகிறது  Manazeer Masoon ன் இயக்கத்தில் முதல் படம் என்பதால் சில குறைகளோடும் நிறைய நிறைகளோடும் வந்திருக்கிறது . இந்த படத்தின் பெரிய பலமே ஒளிப்பதிவுதான் தனக்கு கொடுக்க பட்ட வேலையை சிறப்பாக செய்திருக்கிறார் Rince c.James சில நிறைய இடங்களில் camera பேசுகிறது ஒரு பிரதான கதா பாத்திரம் சில சிறிய கதா பாத்திரம் என அருமையாய் நகர்கிறது கதை பிரதான கதாப்பாத்திரத்தின் நடிப்பு இயல்பாக இருக்கிறது . அத்துடன் வெட்டுதல் ஒட்டுதல் வேலைகளை இயக்குனரே பார்த்திருக்கிறார்.

ஒரு முறை பார்த்தல் சாதாரண ரசிகனால் புரிந்து கொள்ள முடியாமல் படம் நகர்வதுதான் சிறிய குறை தொழில்நுட்ப ரீதியாக அருமையாய் இருக்கிறது

15D சத்தமில்லாமல் எடுத்து வைத்த முதல் அடி

குறும் படத்தை பார்க்க 

Read More

காக்கா முட்டை (2015)

காக்கா முட்டை யதார்த்தங்கள் நிறைய சொல்லும் அமைதியான நதி. அதுவும் அடிமட்ட வாழ்கையின் யதார்த்தங்கள் நிறையவே சொல்கின்றது.எந்த ஒரு பெரிய நட்சதிறமும்  இல்லாமலே படம் வர முன்னரே என்னை போலவே பலருக்கும் ஆர்வத்தை ஏற்படுத்திய ஒரு படம் . இன்னும் ஒரு தமிழ் படம் என்னை ஈரான் படச் சாயலுக்கு அழைத்து செல்கிறது . இதே உணர்வை ஆதலால் காதல் செய்வீர்  ஏற்கனவே ஏற்படுத்தி இருந்தது

இந்த திரைப் படத்தில் ஏற்கனவே நான் சொன்னது போல நிறைய யதார்த்தங்கள் நிறைந்திருக்கின்றது. ஒரு அன்றாட வாழ்க்கைச் செலவுக்கே கஷ்டப்படும் இரு சிறுவர்கள் pizza தின்ன ஆசைப் பட்டு அதை திண்டார்களா இல்லையா என்பதுதான் கதை. முதலில் தனுஷ் கும் வெற்றி மாறனுக்கும் பெரிய நன்றிகள் இப்படி ஒரு படத்தை நம்பிக்கையை மட்டும் வைத்து கொண்டு தயாரிக்க முன் வந்தமைக்கு . ஒளிப்பதிவாளறாய் இருந்த மணிகண்டன் இயக்குனராகி இருக்கிறார் தானது ஒளிப்பதிவு வாழ்க்கையிலும் குறும்படங்களிலும் பெற்ற அனுபவத்தை காக்கா முட்டையில் சிறப்பாகவே காட்டி இருக்கிறார்

பெரிய காக்கா முட்டை விக்னேசும் சின்ன காக்கா முட்டை ரமேசும் படத்தின் கதாநாயகர்கள் அவர்கள் அந்த பாத்திரங்களாக நடிக்க வில்லை வாழ்ந்திருக்கிறார்கள். ஐஸ்வர்யா மானாட மயிலாட அவரது ஆரம்பம் அதன் பின் நாலைந்து படம் நடிச்சாலும் அட்டக் கத்தி, ரம்மி ,பண்ணையாரும் பத்மினியும் போன்ற படங்களில் அவரது நடிப்பை ரசித்திருக்கிறேன் இந்த படத்தில் காதலிக்கிறேன் . பழரசம் , அந்த பாட்டி என சின்ன சின்ன பாத்திரங்களும் மனதில் நிற்கிறது. G.V  பிரகாஷின் பின்னணி இசையும் பாடல்களும் அருமை

சிம்பு இந்த படத்துக்கு சிறப்பு தோற்றத்துக்கு வந்து நான் இன்னும் உயிரோடதான் இருக்கன் என உயிரோட்டமாய் நிருபித்திருக்கிறார். கிஷோர் பற்றி சொல்ல ஏதுமே இல்லை தேசிய விருது பெற்றவராகிட்டே வெட்ட வேண்டிய இடத்தில் வெட்டி ஒட்ட வேண்டிய இடத்தின் ஒட்டி காக்கா முட்டையை முழுமையாய் கொடுத்திருக்கிறார்.

நவநாகரிகம் அடுத்த கட்டம் என நாங்கள் எங்கோ சென்று கொண்டிருந்தாலும் நிறைய விடயங்களை பொய்யாகவே ரசித்து ருசித்து கொண்டிருக்கிறோம் 500 ரூபாய்க்கு வாங்கும் french fries ஐ விட 50 ரூபாய்க்கு வாங்கும் மரவள்ளி கிழக்கு தான் ருசி என்பதே யதார்த்தம்

காக்கா முட்டை கட்டாயம் ஒருமுறையாவது பார்க்க வேண்டிய படம் . சினிமா காதலர்கள் பலமுறை பார்க்க வேண்டும் ரசிக்க கற்க நிறையவே இருக்கின்றது

படத்தின் முன்னோட்டத்துக்கு 

Read More

நானும் எழுத்தும்

காலம் என்பது எவ்வளவு வேகமாக ஓடி விடுகிறது அது யாருக்காகவும் எப்போதும் காத்திருப்பதில்லை அதோடு சேர்ந்து எப்படியாவது ஓடி விட வேண்டும் என்பதுதான் நியதி வேகமாக ஓடுபவன் வெற்றி பெறுகிறான் காலத்தோடு ஓட முடியாதவன் வெற்றிக்காய் காத்திருக்க வேண்டி இருக்கிறது .

சரியாக ஓராண்டுக்கும் மேலானா காலத்துக்கு பிறகே எனது குருவிக்கூட்டின் பக்கம் வரக்கிடைத்திருக்கின்ரது.. இந்த இடைப் பட்ட காலம் எனக்குள் பல மாற்றங்களை கொண்டு வந்தது . நிறைய வலிகளை கொடுத்தது தொலைதூரம் கொண்டு வந்தது கண்ணீர், வலி ,பிரிவு ,சிரிப்பு ,அன்பு , காதல் ,தனிமை இவற்றை தன்னோடு கூட்டி வந்தது.

எங்கோ என் நாட்டை விட்டு தொலை தூரம் வந்து என்னை தேடுகிறேன். எழுத்தோடு இனைய வேண்டும் அந்த காதல் மீண்டும் வேண்டும் நான் நானாக இருக்க என் நினைவுகளின் வழியே பயணிக்க என் தனிமையை துணையாக்க

அதற்காக நேரத்தோடு சண்டை போட போகிறேன். இயந்திர வாழ்க்கைக்கும் இயற்கை கற்பனைக்கும் இடையில் பாலைவனத்தில் இருந்து என் குருவிக்கூட்டுக்கு இறை தேட போகிறேன் . ஏற்கனவே நான் ரசித்தவைகளை  நான்ரசித்தவை என்ற வலை தளத்தில் கோர்க்கிறேன் இனி குருவிக்கூட்டில் என் பதிவுகளுடனும்

Read More

தூக்கம்

அடுக்கு மாடி அடிவிழுந்த சோகத்தில்
மண்வீடோ மட்டற்ற மகிழ்ச்சியில்.

தூக்கம் தொலைத்து காசு காப்பதற்காய்
அமைதி தொலைத்து பஞ்சு மெத்தையில்
அல்லாடுது பணக்கார மனம்.

வேலை முடித்து களைப்பு துடைப்பதற்காய்
உலகம் மறந்து தூங்கி  கிடக்கிறது
தெரு வோரத்தில் ஏழை மனம்.

Read More

தூசு தட்டப்படும் பேனா

எந்தன் பேனாதான்.  இப்பொழுது தூசு தட்டப்படும் பொருளாகிவிட்டது. கால நாகர்வு வேலைப்பழு,எதிர்காலத்திட்டம் என எத்தனையோ காரணங்கள் நான் என் பேனாவை எழுத்துக்களை தொலைத்தட்கு கூறலாம். என் பாதையில் நிழல்கள் கிடைக்கவில்லை என்பதே  யதார்த்தம் கிடைத்த நிழலும் பயன்படுத்தப்படவில்லை என்பதும் உண்மை

கடந்த காலங்கள் எனக்கும் குருவிகூட்டுக்குமான உறவை தூரமாக்கி இருக்கலாம். ஆனால் பிரிவு என்ற ஒரு பொருளை மரணத்தால்தான் தர  முடியும் என்பது என் திண்ணமான எண்ணம்.

இந்த வருடம் நான் விரிவுரையாளராக (தகவல் தொழில்நுட்பம்) பொறுப்பேற்று நிறைய அனுபவங்கள் பெற்றது. பதியப்படாத நினைவுகள்.இனியேனும் காலம் தரும் நேரத்தில் எனக்கான நேரத்தைக்கண்டு இளைப்பாற நினைக்கிறேன். பேனாவோடு.

Read More