இறுதிச் சுற்று-திரைவிமர்சனம்

சினிமா எனக்கு எப்பவுமே எதையாவது எனக்கு கற்றுக் கொடுத்துக் கொண்டே இருக்கும். அது நல்லதோ கேட்டதோ . நீண்ட நாட்களாய் நான் காத்திருந்த ஒரு படம் இறுதி சுற்று நேற்று அதை நண்பர்களுடன் பார்த்தாகி விட்டது இன்று இந்த பதிவு எழுதும் வரையும் அதன் தாக்கம் இருந்து கொண்டே இருக்கிறது. அப்படியானால் என்னுள் தாக்கத்தை ஏற்படுத்திய மற்றுமொரு சினிமா இது.

எனக்கு முஹம்மது அலியை தெரியும் குத்துச் சண்டை தெரியும் என்னை   போலவே உங்களுக்கும் இது தெரியும் அதன் பின்னால் உள்ள வலி போராட்டம் வேதனை வெறி காதல் காமாம் துரோகம் தெரியுமா உங்களுக்கு அதுவே இறுதி சுற்று. 

      ஏறத்தாழ நான்கு ஆண்டுகளாக தமிழ்த் திரையுலகில் இருந்து ஒதுங்கி இருந்த மேடி  என்ற மாதவன் விசுவரூபம் எடுத்து, முடி-தாடி வளர்த்து திரும்பியிருப்பது “இறுதிச் சுற்று” படத்தின் மூலம்! ஒரே நேரத்தில் இந்தியிலும், தமிழிலும் வெளியாகின்றது இந்தப் படம்!

மாதவனுக்கு இன்னொரு மகுடம் என்று சொல்லும் அளவுக்கு அவர் கடுமையாக உழைத்திருக்கின்றார் – உடலைச் செதுக்குவதிலும் – குத்துச் சண்டை பயிற்சிகளில் ஈடுபடுவதிலும் – நடிப்பிலும்!

தமிழில் மட்டுமே படம் பார்ப்பவர்களுக்கு, தடம் மாறாத திரைக்கதையும், பெண்களுக்கான குத்துச்சண்டை விளையாட்டு என்ற இதுவரை யாரும் கையாளாத கதைக்களம் என்பதும் மிகவும் பிடித்துப் போகும்.

வாயை மூடி பேசவும்’, ‘காவியத் தலைவன்’ ஆகிய படங்களை வருண் மணியனின் ரேடியன்ஸ் நிறுவனத்துடன் இணைந்து தயாரித்தவர் சசிகாந்த். இவருடைய ஒய் நாட் ஸ்டுடியோ நிறுவனம், தற்போது சி.வி.குமாரின் திருக்குமரன் எண்டர்டெயின்மெண்ட் நிறுவனத்துடன் கைகோத்து. இரண்டு நிறுவனங்களும் இணைந்து ‘இறுதிச் சுற்று’ என்ற படத்தைத் தயாரித்துள்ளது.

கதை-திரைக்கதை

தமிழில் வெளிவந்த 'ஸ்போர்ட்ஸ் சினிமா'க்களை நாக்-அவுட் செய்திருக்கும் இறுதிச் சுற்று!

குத்துச் சண்டை வெற்றியையே தன் வெறியாகக் கொண்டு அஸோசியேசன் அரசியலால் ஒலிம்பிக் கனவு தகர்ந்து போனாலும் ஒரு வெற்றிகரமான, முரட்டுக்  கோச்சாக இருக்கிறார் மாதவன். 

நேர்மையாக இருக்க நினைக்கும் எல்லோருக்குள்ளும் பொங்கி வழிகிற ரௌத்திரம் கொஞ்சம் அதிகமாகவே இருக்கிற காரணத்தினால் மீண்டும் அஸோசியேஷ‌ன் தலைமையினால் டெல்லியிலிருந்து, ஒரு சவாலோடு சென்னைக்கு தூக்கி அடிக்கப்படுகிறார். அந்தச் சவால் "அங்கிருந்து ஒரு சாம்பியனைக் கொண்டு வா பார்கலாம்' என்பதே.

சென்னையில் ஜுனியர் கோச்சாராக இருக்கும் நாசரால் கைகாட்டப்படுகிற மும்தாஜ் சொர்க்காரை விட அவள் தங்கை ரித்தீகா சிங்கிடம்,  தன்னிடம் இருக்கும் வேகமும், வெறியும், பாக்ஸிங் ஆர்வமும் இருப்பதைக் காண்கிறார் மாதவன். அக்காவை போல் பாக்சிங் ஆர்வத்தினால் அல்லாமல் மாதவன் தரச் சம்மதித்த  பணத்துக்காக பயிற்சிக்கு செல்கிறார் ரித்திகா. 

கோபமும் திமிரும் தன்னைவிட இரண்டு மடங்கு இருக்கும் ரித்திகாவை கட்டுக்குள் கொண்டு வந்து அவருக்கு பயிற்சி அளிக்கிறார் மாதவன். ஆனால், அவரை சாம்பியன் பாக்ஸர் ஆக்கும் லட்சியத்துக்கு ரித்திகாவின் முரட்டுப் பிடிவாதம், அவள் அக்காவின் பொறாமை,  அஸோசியேஷன் அரசியல் எனப் பல தடைக் கற்கள்.  இதையெல்லாம் மீறி அவர் வென்றாரா இல்லையா என்பதே இறுதிசுற்று.

கலைந்த கேசம், இரும்பு தேகம், முரட்டு கோபம்... வாவ்... இது மேடி வெர்ஷன் 2.0. எள்ளலும் முரட்டுப் பிடிவாதமும் கொண்ட கோச்சாக. திடமான, தெளிவான, திமிரான வீரனாக அட்டகாசம். ரிங்கில் சண்டை நடக்கும்போது கீழேயிருந்து வெறியுடன் ஊக்கப்படுத்துவது, நடப்பதையெல்லாம் மிக அமைதியாகப் பார்த்துக்கொண்டே மூர்க்க ரியாக்ஷன் கொடுப்பது, ரித்திகாவின் வேகத்தைக் கண்டு அவர் செய்யும் சேட்டைகளை மிகஅலட்சியமாகப் புறந்தள்ளிவிட்டு அவருடைய திறமையை வெளியே கொண்டுவருவதற்காகப் போராடுவது என 'சக்தே' ஷாருக்கையே சமயங்களில் லெஃப்டில் அடித்து எகிறுகிறார். படம் முழுக்க அவ்வளவு எகிறிவிட்டு, க்ளைமாக்சில் சட்டென பணியும்போது வெளிப்படும் ஒரு இயலாமை... க்ளாஸிக். அப்போதும் '***** நீ அவ்ளோதான்டா' என்று அடக்கப்பட்ட கோபத்துடன் எகிறுவது..... ஆவ்ஸம்... ஹேண்ட்ஸம் மேடி.

பிரியாணி, தனுஷ் படம், அம்மாவுக்கு புது சேலை என‌ இவைகளில் திருப்திய‌டைகிற பெண்ணாக அறிமுகமாகும் ரித்திகா, க்ளைமாக்சில் சர்வதேச சாம்பியனாக பிரமாண்ட பிரமிப்பூட்டுவது... மெஸ்மரிச மேஜிக்! 'நீ கொடுத்த காசுக்கு ரெண்டு மணி நேரம் முடிஞ்சிருச்சு.. அவ்ளோதான்' என மாதவனை தெறிக்க விடுவதும், மாதவனை வெறுப்பேற்ற போட்டியில் வேண்டுமென்றே ஃபவுல் செய்துவிட்டு ரிங் கார்னரில் கெத்தாக நிற்பதாகட்டும், 'முதல் தடவை காதல் சொன்ன எனக்கே அந்தர் ஆகலை. உனக்கு என்ன?' என சேலையில் செமத்தி கெத்து காட்டுவதும், கடைசிப் போட்டி முடிந்ததும் குரங்குக் குட்டியாக மாதவன் இடுப்பில் தாவிக் கொள்வதும்... செல்லம் பின்னிட்டடா..! ஒவ்வொரு அரை மணி நேரங்களிலும் தன் கேரக்டரின் வெயிட் ஏற்றிக் கொண்டே செல்லும் ரித்திகா, இறுதியில் பன்ச் வெடிக்கும்போது... அதகளம். லவ் யூ ஆங்ரி ஏஞ்சல்! 

ஜூனியர் கோச் நாசர், மாதவனுக்கு எப்போதுமே ஆதரவளிக்கும் ராதாரவி (இவர் மாதவனுக்கு யார் என‌ வெளிப்படும் காட்சி... அள்ளு). 'தண்ணியடிச்சா லிவர் கெட்டுப் போயிரும்ல. அதான் தண்ணியடிக்கும்போது லிவர் சாப்பிடுறேன். அப்போ இந்த லிவர்தானே கெட்டுப் போகும்' என சலம்பும் நாசர், 'நான் சாமிக்கண்ணு இல்லை... சாமுவேல்... நீ மதி இல்லை.... மடோனா' என கிறுகிறுக்கும் காளி வெங்கட் என அனைவரும் நச் காஸ்டிங். 

இயக்குநர் சுதா கொங்க்ரா மணிரத்னம் பட்டறையிலிருந்து வந்தவர் என்பத‌ பளிச் விசுவல்களில் நிரூபிக்கிறார். 2011 செம்ப்டம்பரில் மாதவனிடம் சொல்லபட்ட இந்த கதைக்காக ஷீட்டிங், போஸ்ட் புரொடக்ஷ‌ன் போக இரண்டரை ஆண்டுகள் பெண்கள் குத்துசண்டை குறித்த விபரங்களுக்காக கன்னியாகுமரி முதல் காஷ்மீர் வரை சுற்றி இருக்கிறார் என்பது படத்தின் டிடெய்லிங்கில் தெரிகிறது. க்யூடோஸ் சுதா!

பெண்கள் குத்துச்சண்டை உல‌கில் நடக்கும் அரசியலை, அதை முறியடிக்க பெண்கள் எதிர்கொள்ளும் சவால்களை சுவாரஸ்யமாக திரைக்கதையின் பிணைத்து, அதை வெற்றிகரமாக படமாக்கியதற்காக இயக்குனர் சுதாவின் கைகளை உயர்த்தி "அண்ட், த  வின்னர் ஈஸ்...." என‌ அறிவிக்கலாம்!

டெயில்பீஸ்: 'அனைத்தும் கற்பனையே.. யாரையும் குறிப்பிடுவன அல்ல' எனப் போடாமல், 'உண்மைச் சம்பவங்களின் அடிப்படையில் எடுக்கப்பட்டது' என்று போட்ட இயக்குனரின் 'பெண்மை'க்கு சபாஷ்!

Read More

ஹைக்கூ நீ - குறும்படம்

சில்லென மலைச்சாரல் ஒரு மெல்லிய இசை ரஹ்மானோ இளையரஜவோ இசைக்க  ஒரு கதிரையில் நான் என் வலக்கரத்தில் தேனீர் எனது இடது தொடையின் மேல் என் காதலி அமர்ந்திருக்கிறாள் அவளது கூந்தல் நனைந்த வாசம் முகர்கிறேன் நான் :) ...... இந்த உணர்வு சில படங்கள் பார்க்கும் போது எனக்குள் தோன்றும்.

அலைபாயுதே, சில்லென ஒரு காதல், விண்ணைத்தாண்டி வருவாயா, ராஜா ராணி இன்னும் இருக்கு போன்ற படங்கள் தந்தது  போன்ற ஒரு உணர்வை  ஹைக்கு குறும் படம் பார்த்த போது உணர்ந்தேன்.

3 நிமிசத்துல ஒரு கப் cofee  என்  காதலி குடிக்கனும்டு தோணிச்சு அந்த உதட்டுல  இருக்குற  கடைசி சொட்டு  எனக்குத்தாண்டு  தோணிச்ச. என் bedroom ல pillow fight நடக்கனும்டு தோணிச்சு அதுக்கப்புறம் romantic பன்னனும்டு தோணிச்சு

உண்மைதாங்க

“The best feeling is falling in Love The craziest experience is making love”

காதல் நிறைய தமிழ் சினிமாட கருப் பொருள்தான் ஆனால் அது சொல்லப் படும் விதத்தில் தான் அதன் அழகும் வெற்றியும் தங்கி உள்ளது. காத்திருத்தல் காதலில் நிறையவே சாத்தியமான ஒன்று அதுதான் ஹைக்கு நீ குறும் படத்தின் கருப் பொருள்.

waiter ரோடு சேர்த்து நான்கு கதப்பத்திரங்கள் அவர்களின் பங்கை நன்றாகவே செய்திருக்கின்றார்கள் காட்சிகள் அழகு.

சூர்யா நாராயணன் மற்றும் அவரது அணிக்கு வாழ்த்துகள் அருமையான படைப்பு நீங்கள் சினிமாவுக்குள் வந்து இது போன்ற முழு நீல படைப்புகளை வழங்க வேண்டுகிறோம்

குறும் படத்தை பார்வை இட

Read More

மெஹர் - விஜய் சித்திரம்

விஜய்  சித்திரம் என்பது தமிழ் தொலைக்காட்சிகளில் பல புதுமைகளை ஏற்படுத்திய புதிய நிகழ்ச்சிகளை படைத்த விஜய் தொலைக்காட்சியின் புதிய முயற்சி இதற்கான விளம்பரங்களும் முன்னோட்டங்களும் வரும் போதே எனக்குள் ஆர்வத்தை தூண்டி இருந்தது இந்த முன்னோட்டங்களை பார்த்ததும் என் முகப்புத்தகத்தில் இப்படி பதிவிட்டிருந்தேன்    “நீண்ட நாள் மனதில் இருந்த ஆசை .. ஒவ்வொரு புத்தகம் வாசிக்கும் போதும் அந்த அந்த காதாப்பாத்திரங்களுக்கு உருவம் கொடுத்து பார்க்கும் நான் . நான் வாசிக்கும் புத்தகங்கள் காட்சியாக சினிமாவாக வர வேண்டும் என எதிர் பார்த்திருக்கிறேன் . அந்த ஆசை கனவு விஜயசித்திரம் எனும் vijay tv யின் நிகழ்ச்சி மூலம் நிறைவேற போகிறது என நினைக்கிறேன் “

என் எதிர் பார்ப்பு வினாகவில்லை விஜய் சித்திரத்தின் முதலாவது படைப்பு மெஹர் இப்பொழுதும் சொல்கிறேன் நாவல் வாசித்தது போல ஒவ்வொரு கதாப்பாத்திரமும் மனதில் நிக்கிறது பசீர்,முதலாளி,ஜெஸ்மின்,காதர்,சின்னையா என எல்லாமே எதார்த்தமான நடிப்பு மொழி வழக்கு

சீதனம் பற்றி எவ்வலவோ பேசி இருக்கிறோம் போராடி இருக்கிறோம் உயிரின் ஆழம் தொட்டு சீதனம் சம்பந்தம்மாய் இஸ்லாம் சொன்னதை கோடிட்டு காட்டுகிறது இந்த மெஹர் இறுதி வார்த்தை உண்மையாக வேண்டும் “இஸ்லாத்தை பின்பற்றி ஈமானோடு வாழ அடுத்த தலைமுறை தயாராக உள்ளது”

இஸ்லாமிய முறைப்படி ஒரு மனமகான் மணமகளுக்கு மஹர் எனும் அன்பளிப்பு கொடுத்து வலிமா எனும் மனவிருந்தும் கொடுத்துதான்  முடிக்க வேண்டும். அது போலவே மற்ற மதங்களும் கூறி இருக்கலாம் .

அதை விட்டு விட்டு தனது ஆண்மையை விற்கும் விபச்சாரிகள் போல் தனது படிப்புக்கும் தொழிலுக்கும் ஏற்ப சீதனம் நிர்ணயிப்பவர்களுக்கு இந்த மெஹர் ஒரு செருப்படி

இதில் இந்த சீதனம் மட்டும் அல்ல ஏழை பெண்களின் கனவு கஷ்டம் பேருக்காய் ஹாஜிகலாபவர்களின் உண்மை தன்மை நிறையவே . நானும் நடுத்தர குடும்பத்தில் இருந்து வந்தவன் என்பதால் நன்கு அறிவேன் கடன் வாங்குவதின் கடினம் மனிதத்தின் தன்மைகளை.

கிட்டத்தட்ட என் உம்மா இறையடி சேர்ந்து இரண்டு வருடங்கள் ஆக போகின்றது. இந்த பஷிரின் உம்மாவைப் போலத்தான் என் உம்மாவும் ஹராம் ஹலாளில் நிறைய பக்குவம் சொல்லி கொடுத்தார்கள். இன்று தலை நிமிர்ந்து வாழ சொல்லி கொடுத்து விடை பெற்றார்கள். நிறைய விதத்தில் இந்த மெஹர் என் மனதுக்கு பக்கத்தில் நின்கிறது இந்த படைப்பு நண்பர்கள் கட்டாயம் பார்க்கவும்

படைப்பை பார்க்க 

Read More

romeo juliet (2015)

romeo juliet படத்தின் posterகலை பார்க்கும் போதே ஒரு கிளு கிலுப்பை ஏற்படுத்தி இருந்ததது ஜெயம் ரவி, கண்சிகா வின் பிரதான நடிப்பில் வெளிவந்திருக்கும் படம்.

ஏற்கனவே அடித்து துவைத்து எடுத்த கதையை வைத்து கொண்டு காதலர்களை பிரதான சக்தியாக கொண்டு ஒரு time pass  படத்தை வெற்றி கரமாக கொடுத்துள்ளார் படத்தின் இயக்குனர் லக்ஷ்மணன் இவர் S.J. சூர்யா எனும் தமிழ் சினிமாவின் சிறந்த இயக்குனரிடம்  (நடிகர் இல்லை ) உதவியாளராக பணியாற்றியவர் அதுதான் poster ல் இருந்தே தனது சேட்டைகளை ஆரம்பித்து விட்டார். இசை D . இமான் டண்டனக்க வாக இருக்கிறது.

சரி படத்தின் கதை என்ன

ஹீரோ கார்த்திக் , ஒரு ஜிம் பயிற்சியாளர் . ஜாலியாக , பாஸிட்டிவாக இருப்பவர் . இவர் பணிபுரியும் ஜிம்மின் வாடிக்கையாளர்கள் பெரும்பணக்காரர்கள் என்பதால் இவருடன் அனோன்யம் . ஹீரோயின் சுப்புலட்சுமி , ஒரு அனாதை  . சிறுவயதுமுதலே மிடில்கிளாஸ் வாழ்க்கையை வெறுத்து வாழ்கிறார் . ஒரு பணக்காரனைத் திருமணம் செய்துகொண்டு தான் நினைத்தபடி வாழவேண்டும் என்பதே அவருடைய ஆசை . அப்போதுதான் பிரபலங்களுடன் இருக்கும் கார்த்திக்கைப் பார்த்து பணக்காரன் என்று நினைத்து காதலிக்க ஆரம்பிக்கிறாள் ; அவனையும் காதலிக்க வைக்க முயற்சி்ககிறாள் . ஹீரோயினின் குறும்புத்தனங்களைப் பார்த்து ஒருகட்டத்தில் ஹீரோவும் காதலில் விழுந்துவிடுகிறார் . லவ் ஸ்டார்ட் . வழக்கம்போல ஊர் சுற்றல் , அன்பைப் பரிமாறல் என்று செல்லும் காதலில் , ஒருநாள் பிரிவு ஏற்படுகிறது . காரணம் தனியாக நான் வேறு சொல்லவேண்டுமா ? ஹீரோ பணக்காரர் இல்லை என்பது தெரிந்து ஹீரோயின் கழன்டுகொள்ள பார்க்கிறார் . ஹீரோவோ நீ தான் உலகம் என்று சொல்ல , அவரை அவமானப்படுத்தி அனுப்பிவிடுகிறார் . சிலமாதங்களுக்குப்பின் ஹீரோயினுக்கு ஒரு பெரும்பணக்காரருடன் நிச்சயதார்த்தம் ஆகிறது . ஹீரோ மீண்டும் அவளிடம் வந்து , தனக்கும் ஒரு பெண்ணை செட் செய்து தரவேண்டும் , இல்லையெனில் நாம்  காதலித்தது , கிஸ்ஸடித்தது எல்லாவற்றையும் ஆவனத்துடன் உன் வருங்கால கணவன் வீட்டிற்கு அனுப்பிவிடுவேன் என மிரட்டுகிறார் . அதன்பின் ஹீரோவுக்கு ஒரு பெண்ணை செய்துகொடுக்கிறாள் ஹீரோயின் . அதன்பின் நடந்ததையெல்லாம் சொன்னால் படமே முடிந்துவிடும் . அதனால் நீங்களே பார்த்து தெரிந்துகொள்ளுங்கள் .

தொழில் நுட்ப வளர்ச்சிகளாலும் சமூக வலைத்தளங்கள் மீதான மக்களின் அதிக நாட்டங்களினாலும் பல்வேறு விடயங்கள் பகிரப்பட்டு உற்று நோக்கப் பட்டு கொண்டிருக்கின்றன. அந்த வகையில் இந்த இணைய உலகில் நானும் உலா வரும் வேளைகளில் பல்வேறு விடயங்களையும் விழியங்களையும்(Vedio)

காண்பது இயல்பு அதில் சில மனதில் நின்று விடுகின்றது அப்படி மனதில் நின்ற ஒரு விழியம் Romeo Juliet படத்தின் Climax  பார்க்கும் போது எனது ஞாபகத்துக்கு வந்தது  

அந்த விழியத்தை பார்க்க 

 Romeo Juliet டைம் பாஸ்சுக்கு சிறந்த படம்

படத்தின் முன்னோட்டதிட்கு 

Read More

15D குறும்படம் ஒரு பார்வை

“ஒரு நீண்ட கால தவம் , தேடல்கள் , காத்திருப்பு இத்தனையும் அருகில் இருந்து பார்த்திருக்கிறேன் நிறையவே நண்பனாய் ,ரசிகனாய். உன் படைப்பு வெளி வர இத்தனை காலம் காத்திருக்க வேண்டியதாகி விட்டது . உன் உழைப்பு சத்தமே இல்லாமல் சத்தமாய் ஒரு கதை சொல்லி விட்டது 15D இது ஒரு ஈழத்தில் பிறந்த கலைஞனின் படைப்பு . எங்கே சென்றாலும் கனவை நனவாக்க கற்று கொண்டவனின் ஆளுமை”

இது என் நண்பனின் குறும் படம் வந்தவுடன் என் முகப்புத்தகத்தில் எழுதியது இது பற்றி விரிவாக வலைத்தளத்தில் எழுத இத்தனை நாளாகி விட்டது வேலைப் பழு இத்தனை நாளாய் இழுத்தடித்து விட்டது . அது போலத்தான் இவனது படைப்பும் வர இத்தனை வருடமாகிவிட்டது.

மூன்று வருடங்களுக்கு முதலே நாங்கள் வாடகைக்கு Camera வாங்கி படம் எடுக்க ஆரம்பித்தோம் ( இது பற்றிய ஒரு பதிவும் இந்த வலைத்தளத்தில் "எம் கணா ஒரு கணா" என்ற தலைப்பில் உள்ளது ") நான் மட்டும் நடிக்க ஒளிப்பதிவு முதல் இயக்கம் வரை செய்தவர்தான் இந்த MANAZEER MASOON கடைசில் படப்பிடிப்பு எல்லாம் முடிந்து ஒரு கணா தவிர்கமுடியாத காரணங்களால் கனவாகியே போனது.

அதன் பின் அவன் தொழில் விடயகமாகவும் நான் கல்வி விடயமாகவும் வெவ்வேறாக பிரிந்து விட்டோம். நாங்கள் ஒன்றாய் இருந்த காலங்களிலும் இப்போதும் நாங்கள் பேசும் தலைப்புக்களில் பெரும்பான்மையாக இடம் பெறுவது சினிமாவும் இலக்கியமுமே . நல்ல சில சினிமாக்களை எனக்கு அறிமுகப்படுத்தியவன் சில விடயங்களை உன்னிப்பாகவும் வித்தியாசமாகவும் ரசிக்க கூடியவன் அவனின் இயக்கத்தில் வெளி வந்திருக்கும் அவனது முதலாவது குறும் படமே 15D.

இவர்  விரல்கள் , மாட்டு வண்டி போன்ற பதிவு பக்கங்களை நடத்தி வாந்தி பின் நாட்களில் காணாமல் போனது . ஏன் என்றால் வாசிப்பு நாட்டம் இல்லாத எனது நண்பன் ஒருவன் இவர் எழுதிய பயணக் கட்டுரை பற்றி பேசிய போது ஆச்சர்யப் பட்டுத்தான் போனேன். மீண்டும் இவர் பதிவுலகத்துக்கு வர வேண்டும் என்பதும் என் அவா .

தற்போது  DUBAI ல் தொழில் புரியும் அவன் அங்கே உருவாக்கிய நட்பு வட்டத்துடன் இணைந்து படைத்திருக்கிற படைப்பு . வெளிநாட்டில் தொழில் புரிபவர்களுக்கு புரியும் நேரத்தின் அருமை இங்கு நேரம் கிடைப்பதும் குறைவு கிடைத்தாலும் தூக்கத்திலேயே பெரும்பாலும் கழியும் . அப்படி கிடைத்த நேரத்தை சரியாய் சேமித்து வந்ததுதான் இந்த படைப்பு. 

Ambal Studio Productio தயாரிப்பில் வெளி வந்திருக்கும் இந்த படம் சத்தமே இல்லாமல் சத்தம் போடுகிறது  Manazeer Masoon ன் இயக்கத்தில் முதல் படம் என்பதால் சில குறைகளோடும் நிறைய நிறைகளோடும் வந்திருக்கிறது . இந்த படத்தின் பெரிய பலமே ஒளிப்பதிவுதான் தனக்கு கொடுக்க பட்ட வேலையை சிறப்பாக செய்திருக்கிறார் Rince c.James சில நிறைய இடங்களில் camera பேசுகிறது ஒரு பிரதான கதா பாத்திரம் சில சிறிய கதா பாத்திரம் என அருமையாய் நகர்கிறது கதை பிரதான கதாப்பாத்திரத்தின் நடிப்பு இயல்பாக இருக்கிறது . அத்துடன் வெட்டுதல் ஒட்டுதல் வேலைகளை இயக்குனரே பார்த்திருக்கிறார்.

ஒரு முறை பார்த்தல் சாதாரண ரசிகனால் புரிந்து கொள்ள முடியாமல் படம் நகர்வதுதான் சிறிய குறை தொழில்நுட்ப ரீதியாக அருமையாய் இருக்கிறது

15D சத்தமில்லாமல் எடுத்து வைத்த முதல் அடி

குறும் படத்தை பார்க்க 

Read More